Саясат
Алматы әкімі оқушылардың "Алматы дарыны" ерекше төсбелгісін белгілеу жөніндегі ұсынысын қолдайтынын айтты
Алматы әкімі Бақытжан Сағынтаев халықаралық және республикалық олимпиадалар мен конкурстардың жеңімпазы атанған алматылық оқушылармен кездесті. Бұл туралы қала басшысы Instagram-парақшасына жазды.
Биыл Алматының 352 оқушысы 28 зияткерлік және шығармашылық сайыстардың жеңімпазы атанды. Олардың қоржынында 90 алтын, 124 күміс, 138 қола медаль бар. Біздің балаларымыз 11-сынып оқушылары арасындағы президенттік олимпиадада, ғылыми жобалар бойынша өткен республикалық байқауларда және жалпы пәндік олимпиадада командалық бірінші орынды иеленіп жүр, – деп жазды қала басшысы.
Бақытжан Сағынтаев оқушылардың “Алматы дарыны” ерекше төсбелгісін белгілеу жөніндегі ұсынысына қолдау білдірді. Төсбелгінің дизайнын балалардың өздері жасайды. Төсбелгі оқу жылы аяқталғанда оқушыларға тапсырылады.