Шымкент қаласының мәдениет басқармасы 10 айды қорытындады

Шымкент қаласының мәдениет, тілдерді дамыту және архивтер басқармасының 2019 жылдың 10 айында атқарған жұмыстары және алдағы жоспарлары жөнінде өткен баспасөз брифингін өткізді.

Мәдениет саласына 2019 жылға 3 406 524,0 мың теңге қаржы қарастырылған. 2019 жылдың 10 айында 2 326 773,0 мың теңгесі игерілді.

Жыл басынан бері ұйымдастырылған 8 ресми (Халықаралық әйелдер күні, Наурыз, Қазақстан халқының бірлігі күні, Отан қорғаушылар күні, Нұр-Сұлтан қаласы күні, Жеңіс күні, Астана күні, Қазақстан Республикасы Конституциясы күні) және 200-ге жуық мәдени көпшілік іс-шара ұйымдастырылып, жыл соңына дейін 3 ресми (Қазақстан Республикасының Тұңғыш Президенті күні, Қазақстан Республикасының Тәуелсіздік күні, Жаңа жыл) және Рухани жаңғыру бағдарламасы аясында іс-шаралар өткізу жоспарлануда.

Ағымдағы жылдың 10 айында 5 кәсіби театрда 14 жаңа қойылым сахналанып, 1023 қойылым қойылды, 205 775 көрермен қамтылды. 6754 қайырымдылық іс-шара өткізілді.

«Цирк» мекемесінде 3 жаңа қойылым, 72 қойылым қойылып, келушілер саны 47 642 құрады. 38 гастрольдік қойылымға 15 454 көрермен қамтылды. 10 қайырымдылық іс-шара өткізілді.

«Рухани жаңғыру» мақаласындағы «Жаһандық әлемдегі заманауи қазақстандық мәдениет» арнайы жобасы аясында, театрлар отандық, шетелдік шығармашылық ұжымдармен меморандум түзіп, гастрольдік сапарлары ұйымдастырылуда.