1,5 млн адам: Қожа Ахмет Ясауи кесенесі әлем назарында

Өткен жылы Қ.А.Яссауи кесенесіне келгендер саны 1,5 миллионға жетті. Бұл көрсеткішті 2025 жылға дейін 5 млн-ға жеткізу жоспарланды. Бұл туралы Өңірлік коммуникациялар қызметінде Түркістан облысы әкімінің орынбасары Мейіржан Мырзалиев хабарлады.

Жалпы облыс бойынша 168 қонақ үй, 51 шипажай, 60 демалыс базасы қызмет көрсетеді. Сонымен қатар облыс аумағында экологиялық, тарихи-танымдық туризм бағытында 57 туристік маршрут әзірленген.

Қазіргі таңда Түркістан қаласында туристерге толық ақпарат ұсынатын «Визит орталықтың», «Ұлы Жібек жолының ұлттық дәстүрлі қолөнер орталығының», халықаралық әуежайдың, «Яссауи мұражайының» және т.б. нысандардың құрылысы жүргізіліп жатыр. 2020 жылы Х.А.Яссауи мұражайы, «Ұлы Дала Елі» орталығы, Конгрес холл, Драма театры, әуежай, Атракционды қалалық саябақ іске қосылады.