Баскетболшы Коби Брайант әуе апатынан қаза тапты

Ұлттық баскетбол қауымдастығының (НБА) аты аңызға айналған ойыншысы Коби Брайант Калифорнияда тікұшақтың апатқа ұшырауы кезінде қаза тапты. Бұл туралы TMZ Sports хабарлайды.

Ол 42 жасына қараған шағында қайтыс болды. БАҚ-ның ақпараты бойынша, бортта тоғыз адам болған, алайда ешкім тірі қалмаған.

Кейбір деректер бойынша, қаза тапқандардың ішінде, баскетболшының қызы - Жанна-Мария да бар.

TMZ мәліметі бойынша, жерге құламас бұрын тікұшақта өрт пайда болған. Апат себебі тексерілуде.

Брайант өзінің спорттық мансабында "Лос-Анджелес Лейкерс" үшін өнер көрсетті, НБА чемпионы атағын бес рет жеңіп, 18 рет жұлдыздар матчына қатысқан. Ол мансабын 2016 жылы аяқтады. Коби тарихтағы ең үздік баскетболшылардың бірі ретінде танымал.