Өзбекстан: терактіге қатысы бар 21 күдікті құрықталды

Ташкентте "Катиба Таухид аль-Джихад" террористік ұйымының адамдары ұсталды, деп хабарлайды жергілікті полицияның баспасөз қызметі.

Құқық қорғау органдары 21 лаңкесті ұстап, олардың үйіне тінту жұмыстарын жүргізді.

Ішкі істер департаменті мәлімдегендей, ұсталғандар Өзбекстан азаматын ұйымға қосу үшін ақша аударып, Сирияға кетуді жоспарлаған.

"Катиба Таухид аль-Джахид" халықаралық терористік ұйымы 2017 жылы Санкт-Петербургте метрода жарылыс жасап 16 адамның өмірін қиған болатын.