Білім және ғылым
Елбасының «Ел Үміті» бастамасы аясында іске қосылған «Qabilet қызметі» жобасы еліміздің барлық өңірлерінде баланың қабілетін ерте анықтау үшін жұмыс жасайды.
Бұл туралы Bugin.kz платформасы «Елбасы Академиясы» КҚ баспасөз қызметіне сілтеме жасап хабарлайды.
Жоба мақсаты – оқушылардың қабілеті мен кәсіби бағдарлануын диагностикалаудың ұлттық жүйесін құру, сондай-ақ дарынды балалар мен дарынды жастарды олардың зияткерлік және жеке әлеуетін іске асыру үшін сүйемелдеу және қолдау қызметін ұйымдастыру.
Алғашқы кезеңінде 10-11 жастағы балалар қатысады. Қызмет ақысыз әрі барлық оқушыға қолжетімді.
«Елбасы Академиясы» КҚ балалар мен жастарды диагностикалау және дамыту орталығының жетекшісі Гүлім Жүсіпова: «Қабілеттерді диагностикалау әдістемесі заманауи тәжірибеге негізделген үздік әлемдік тәжірибені қолдануды көздейтін дарындылық пен ХХІ ғасырдың негізгі құзыреттілігі - «4K» (шығармашылық, сыни ойлау, ынтымақтастық, қарым-қатынас), бірінші кезеңде 10-11 сыныптардың 50 мыңға жуық оқушыларын қамту жоспарланып отыр», - деп мәлімдеді.
Bugin.kz
Қосымшаны жүктеп алыңыз
