Марстан өзен мен ежелгі көл табылды (фото)

Ғалымдар Марстан өзен мен көл қалдықтарын тапты. Perseverance ровері ежелде көл болған деп болжанған Джезеро кратерін зерттейді. Бұл туралы Bugin.kz платформасы хабарлайды.

NASA бұған дейін Марста су болуы мүмкін деген болжам жасап отыр. Perseverance ровері Джезеро кратеріне барып болжамды растайтын суреттер түсірді. Құрылғы кратердің шұңқырларын және Kodiak деп аталатын сайды суретке түсірді. Осылайша ол тау жыныстарын қабаттарындағы шөгінді қабаттардың суреттерін алды.

- Бұрынғы спутниктік суреттер ені 49 км болатын кратердің бір кездері өзен, көл болғанын көрсетті. Ғалымдар кратердің солтүстік-батыс шеті өзен дельтасын білдіруі мүмкін деген қорытындыға келді. Жоғарыдағы тастар бізге жер қыртысының ежелгі жыныстарының үлгілерін алуға мүмкіндік береді. Робот бұл жерлерде сынамалар алады, содан кейін оларды Марстан Жерге апарады - дейді зерттеу авторы Санжив Гупта.