Әл-Фараби ауданында 68 спорт алаңшасы орнатылған

Әл-Фараби ауданында спорт алаңшаларының саны артуда. Бұл туралы Bugin.kz платформасы хабарлайды.

Бүгінгі таңда Әл-Фараби ауданы аумағында барлығы 68 спорт алаңшасы орнатылған. Оның ішінде 31 ашық спорт алаңшасы Қазақстан Республикасы Тәуелсіздігінің 30 жылдығы аясында халық игілігіне берілуде. 

Заманауи үлгіде салынған спорт алаңшалары барлық стандарттарға сай. Онда  воркаут аймағы, фитнес, волейбол, баскетбол және кіші футбол ойнауға мүмкіндіктер қарастырылған. 

Аудан әкімі салауатты өмір салтын қалыптастыру, бұқара спортын дамыту мен жастардың бос уақытын тиімді пайдалану бағытындағы жұмыстарды жіті назарда ұстауда.