Сіздің идеалыңыз кім?

"ИДЕАЛ" сөзі жалпы парсы тілінен енген мағынасы " үлгі", жалпы " пір тұту" деген мағынада қолданылады екен. ИДЕАЛ адам жоқ деуіміз қате. Әр саланың өз идеалы болады. Біздегі негізгі қателік идеал сөзін "мінсіз " дүние деп түсінуіміз. Мысалы, біз ғарышты бағындырған Тоқтар Әубәкіров атамызды идеал тұтсақ болады, қазақ әдебиетінің рухани қазынасының негізін қалаған, ұлы ақын Абай атамызды идеал тұтсақ болады. Музыкант ретінде сіз, біз Бетховенді, Моцартты , математиктер Асқар Жұмаділдаевты өзіне идеал тұтса болады. Әр саланың өз ғалымдарын идеал тұтсақ болады.  Өз идеалымызды табуымыз үшін жалпы үш нәрсе бірге жүреді екен: 

1)таным - ол арқылы біз оны танимыз,білеміз

2) махаббат- оны жақсы көреміз 

3) ұқсау-яғни еліктейміз. 

Осы үш дүние арқылы біз ИДЕАЛ тұта аламыз. Жалпы келгенде күллі адамзат баласына үлгі, идеал Құдіреті күшті Алла Тағала екен. Алланы идеал тұтуымыз үшін Пайғамбарымыз с.а.с -ды таныуымыз керек. Өйткені, Пайғамбарымыздың өзі " Мен көркем мінезділіктің үлгісі үшін жіберілдім " деп айтқан сөзі бар. Пайғамбарымызды үлгі тұту арқылы біз Алла Тағалаға ұласамыз. Алланың сүйген құлдарының қатарында болуы үшін, Алланың 99 есімді сипатын бойымызға сіңіруге тырысуымыз керек.  Қазақ әдебиетінен мысал келтірейік (факт)Абай атамыз күллі елге өзінің ұлы Абрахманды идеал тұтуды нұсқайды.Абдрахманның  27 жаста дүниеден өтсе де, кемелдікке жеткенін , тұла бойы ар-ұят,  бойамасыз көңіл екенін және ұлын "Ер әбіш" деп атаған. Жалпы қазақта әке баласын  мақтамаған "Әке - балаға сыншы " дейді . Бірақ Абдрахманның  басқа ұлдарынан өзгеше, Алланың ерекше мейірімімен , құдіретімен жаралғанын  Абай өз өлеңдерінде келтіреді. Бүкіл қазаққа осындай тұлғаларды идеал тұтуға үндейді. Қазіргі таңда сол тұлғалар жайлы кинолар, фильмдер түсіру, кітаптар жазу керек деп білемін. Сол арқылы біз өз ИДЕАЛЫМЫЗДЫ қалыптастырамыз!