Кісі өлтіргіш балалар: олар қандықол қылмысты қалай жүзеге асырған? (фотодерек)

Кісі өлтіруші. Дәл осы сөзді басқаға қисақ та, балаға қимаймыз. Мүмкін балалық шақтағы психологиялық жарақат, мүмкін шизофрения? Қысқасы, не түрткі болғаны белгісіз қандықол қарақшылардан да қатігез балалар бар. Сенбейсіз бе? Онда Bugin.kz порталы дайындаған материалға назар аударыңыз!

Мэри Флора Белл, 11 жас

Мэри өзінің алғашқы қылмысын 1968 жылы, 11 жасқа толған күні жасаған. Ол төрт жасар Мартин Браунды өлтіреді. Бірнеше айдан кейін Мэри мен оның ақыл-есі кем досы тағы бір нәрестені өлтірді.

Полицияның хабарлауынша, қылмыскер оқиға орнына баланың денесіне «М» әрпін ойып, оны қайшымен кастрациялау үшін оралған.

Мэри Ньюкаслдың кедей аймағында кедей, көп балалы отбасында дүниеге келген. Анасы жезөкше болып жұмыс істеп, жұмысқа кеткенде балалары қараусыз қалған. Мэридің жас ерекшелігі оның агрессивті мінезіне мүлдем сәйкес келмеді. Ол туыстарының сыйлықтарын жыртып, сындырды. Мектепте басқа балаларға агрессивті болды.

Мэри Флора Белл өмір бойына бас бостандығынан айырылады. Бірақ 12 жыл ғана түрмеде отырып, рақымшылықпен босатылды. Ал бостандыққа шыққан соң журналистерден алыстап, есімін өзгертіп, дүниеге сәби әкелген.

Аркадий Нейланд, 15 жас

Ол соғыстан кейін КСРО-да оққа ұшқан жалғыз жасөспірім болды. Аркадий 1949 жылы Ленинградта дүниеге келген. Шешесі, өгей әкесі және екі ағасы бар ол коммуналдық пәтерде бір бөлмеде тұрды. Отбасы жоқшылықта өмір сүрді. Ал ата-анасы ішкілікке салынып, балаларын ұрып-соғады. 12 жасында Нейланд ұсақ ұрлық үшін полиция тіркеуіне алынады.

Ол 15 жасында пошташы атын жамылып пәтерге тонау мақсатында кірген. Нейланд 37 жастағы тұрғын үй иесіне балтамен 15 соққы беріп, алты соққымен әйелдің кішкентай ұлын өлтірді. Қанды тартылған етке тамсанған жасөспірім таңғы асын ішіп, сосын құрбанының бірнеше эротикалық фотосуреттерін түсіріп, пәтерді өртеп жіберіп, кетіп қалған.

Көршілер сағат 10.00-ден 11.00-ге дейін тоғызыншы пәтерден жүректі сыздатқан әйелдің және балалардың зарлы үнін, жылаған дауысын естігенін айтқан. Ал аула сыпырушы он бес-он алтылар шамасындағы бейтаныс ұзын бойлы, жағы ірі жігіт туралы суреттеп айтып береді. Олар бірнеше күн бойы жасөспірімді іздеді. Ленинград полициясы сол кездегі бұрын-соңды болмаған әрекет жасады. Олар Нейландтың суретін бүкілодақтық теледидардан көрсетеді. Мәскеу пойызынан түсіп жатқанда оны Сухумиге алып кеткен. Полиция оны төрт күнде тапты. Аркадий Нейланд 1964 жылы 11 тамызда Хрущевтің бұйрығымен атылды.

Джон Венэблс және Роберт Томпсон, 10 жаста

Үш жасар Джеймс Булгердің анасы бір минутқа дүкенге жүгіріп кіріп, баласына ешқайда қозғалмауды бұйырды. Қайта оралса, бала үшты-күйлі еш жерде жоқ.

Венэблс пен Томпсон баланы темір жолға апарып, тастармен, темір шыбықпен аяусыз ұрып, үстіне секіріп, таптап тастаған. Осыдан кейін Джеймс қызыл ала қан жағылып, рельстердің үстінде қалды. Қылмыскерлер бәрін апат ретінде көрсеткісі келген.

Дүкендегі бейнебақылау камераларының арқасында қылмыстың құпиясы ашылды. Сондай-ақ сол күні екі ұлдың да сабаққа келмегені хабарланды. Өтіп бара жатқандар Джеймсті сүйреп, жылап тұрған екі жасөспірімді көргендерін айтты.  Бірақ барлық куәгерлерге жылап тұрған өз інісі екенін айтып жалтарған. Тағы бір адамдарған жоғалған баланы тауып, полицияға алып бара жатқанына сенімді түрде жауап береді.

Полиция екі баланың да үйін тексерген кезде айғақтар табылды. Венеблстің күртесінде көк бояу, Томпсонның аяқ киімінен  қан табылды.

Сот тағайындаған психиатрлар Томпсон да, Венэблс де жақсылық пен жамандықтың айырмашылығын білетінін айтты. Олар сондай-ақ ұлдардың ешқайсысы социопат емес екенін хабарлады. Бірақ дәрігерлер бұл адамгершілікке жатпайтын қылмыстың себебін таба алмады. Мотив әлі белгісіз.

Сот 1993 жылы өтті, ұлдар 10 жылға бас бостандығынан айырылды, бірақ мерзімінен бұрын босатылды. 2010 жылдың наурызында Венэблс шартты түрде мерзімінен бұрын босатуды бұзғаны үшін тағы да түрмеге жабылды. Екінші өлтіруші Томпсонның қайда екенін Ұлыбритания билігі құпия ұстайды.

Джесси Померой, 14 жас

Джессиге «Бостондық жас жын» лақап ат берілді. 14 жасында ол төрт жасар баланы айуандықпен өлтіргені үшін қамауға алынды. Алайда, үш жыл бұрын Померой тағы жеті баланы азаптап,  түзеу колониясына жіберілді.

Джесси көп ұзамай босатылды (тым ерте). Кейіннен қанды қылмысын жалғастыра берді. Ешнәрсе болмағандай! Ол анасының дүкеніне кірген он жасар қызды алдымен дене мүшелерін кесіп тастады, содан кейін өлтірді. Бір айдан кейін ол баланы ұрлап, қала сыртындағы батпаққа апарып, сәбидің басы түскенше пышақпен кесіп тастаған. Оған мәйітті көрсетіп, өзін кінәлі санайсыз ба деп сұрағанда, ол: «Мен мұны істедім деп ойлаймын» деп қысқа жауап берді.

Массачусетс Померойға қарсы іс 1874 жылы 9 және 10 желтоқсанда Суффолк округінің сотында қаралады. Жасөспірім кінәлі деп танылып, қазылар алқасы Джессидің жастығын ескере отырып, жұмсақтық танытады. Бірақ айыптаушы тарап дарға асу арқылы өлім жазасына кесуді талап еткен. Өлім жазасын алып тастау үшін бірнеше сот отырысы өтті және ақырында Померой өмір бойына бас бостандығынан айырылды. Ол ондаған жылдар бойы кешірім сұрап келді. 70 жасында денсаулығы нашарлаған Померой 1932 жылы 29 қыркүйекте қайтыс болған.  

Владимир Винничевский, 15 жас

Ол өлім жазасына кесілген КСРО-дағы ең жас сериялық кісі өлтіруші болды. 1923 жылы Свердловскіде әдемі келбетті бала дүниеге келген.

Ол жасөспірім кезінде екі мен төрт жас аралығындағы балаларды өлтіріп, зорлаған. Оның 18 шабуылы туралы дерек белгілі. Және сегізі сәбилердің өлімімен аяқталады. Владимир оларды алдымен тұншықтырып өлтірген. Сосын қылмысты жәбірленушіге пышақ жарақатын сап аяқтаған. Ол ұзақ уақыт бойы қала тұрғындарының қорқынышы болды. Ол Свердловск полиция мектебінің үш курсантының арқасында ұсталды.  Курсанттар Винничевскийдің кішкентай баланы орманға қалай апарғанын көріп қалған. Владимир Винничевский 1940 жылы атылды.

Айтпақшы, бұл қылмыскердің отбасы салыстырмалы түрде ауқатты, кедей емес.  Әкесі, бұрынғы қауіпсіздік қызметкері, баспаханада жұмыс істейтін. Анасы кассир болып жұмыс істеді. Бірақ отбасында қиындықтар болғанын жоққа шығармаған. Анасы ұлының қарама-қарсы жынысқа деген қызығушылығын қатаң шектеді (Владимир сыныптасына романтикалық хаттар жазғаны үшін қатаң жазаланды) және оның әкесі қызғаныштан зардап шекті. Ата-анасы ұлын тастап кеткен. Рас, әкесі дереу Владимирге ең ауыр жазаны талап етсе, анасы кешірім сұрап ұзақ уақыт шенеуніктердің табалдырығын тоздырды.