Ресей ядолық қаруын қолданса, не болады?

АҚШ президенті Джо Байден Ресей президенті Владимир Путинді Украинада химиялық немесе тактикалық ядролық қаруды қолдану идеясынан бас тартуға шақырды. Бұл ретте Джо Байден Ресей ядролық қару қолданса, АҚШ-тың жауабы қандай болады деген сұраққа нақты жауап бермеді. Бұл туралы bugin.kz порталы хабарлайды.

Байден CBS арнасына берген сұхбатында «Путин бұл мүмкіндік туралы ойлаған кезде оған не айтар едіңіз?» деген сұраққа жауап бермеді.

Сонымен бірге, Байден Ресей осылай әрекет еткен жағдайда АҚШ-тың жауабы қандай болады деген сұраққа нақты жауап бермеді

Ол журналист Скотт Пеллиге: «Егер мен не болатынын білсем, сізге айтар ма едім?» - деді. «Әрине айтпаймын, салдары бар».

Ол егер Ресей Украинада химиялық немесе тактикалық ядролық қару қолданса, «бұл одан да ауыр қудалауға айналады» деп қосты.

17 қыркүйекте Владимир Путиннің баспасөз хатшысы Дмитрий Песков журналистің Мәскеудің Украинада ядролық қару қолдануы мүмкін бе деген сауалына: «Доктринаны оқыңыз. Онда бәрі жазылған», - деп жауап берді.

Доктринада егер оған немесе оның одақтастарына ядролық қарумен шабуыл жасалса, Ресей ядролық қаруды қолдана алады деп жазылған.