Семеру жанартауы атқылады

Жексенбіде Индонезияның Шығыс Ява провинциясында (Ява аралы) Семеру жанартауы атқылады. Бұл туралы Индонезияның табиғи апаттардың салдарын жою жөніндегі ұлттық агенттігі мәлім етті, деп хабарлайды Bugin.kz порталы ТАСС агенттігіне сілтеме жасап.

Жанартауға 5 шақырымнан жақын қашықтыққа жақындауға тыйым салынады. Атқылаудың қандай да бір салдары туралы ақпарат жоқ.

Сонымен қатар Жапонияның ұлттық метеорологиялық басқармасы қазіргі уақытта цунамидің пайда болу қаупіне байланысты алынған мәліметтерді зерттеп жатқаны туралы ескерту жасады. Егер цунами болса, толқындар оңтүстік Окинава префектурасындағы шеткі аралдарға жетуі мүмкін.

Еске сала кетейік, Семеру жанартауы дәл бір жыл бұрын 4 желтоқсанда атқылаған. Салдарынан 50-ден астам адам көз жұмды. Семеру – Ява аралындағы ең биік шың. Индонезия аумағында 130-ға жуық белсенді жанартау бар.