Танымал актер көз жұмды

Сатирик, актер Асқар Наймантаев қайтыс болды. Бұл туралы Bugin.kz тілшісі хабарлайды.  

Суыт хабарды дәстүрлі әнші Ерлан Рысқали Facebook-тегі парақшасында жазды. Ол:

"Асқар ағамыз бақиға аттаныпты. Қайран асыл ер… Алла алдыңнан жарылқасын", - деп жазды.

Асқар Әбдіғалымұлы Наймантаев 1965 жылы 17 маусымда Алматы облысы, Нарынқол ауданы, Нарынқол ауылында дүниеге келген. "Тамаша" ойын-сауық отауының актері болды."Терісқақпай" театрының негізін салды. Ол актер, режиссер, сатирик, сценарийші, педагог қызметін атқарды.