Шымкентте мас күйдегі ер адамды ұрып өлтірді деген жігітКе сот үкімі шықты

Шымкентте қыркүйек айында мас күйдегі ер адамды өлтірді деген күдікке ілінген азаматқа қатысты сот үкімі шықты, деп хабарлайды Bugin.kz порталы Kazinform сайтына сілтеме жасап. 

Кінәлі деп танылған 20 жастағы жігіт 8 жылға бас бостандығынан айырылды. Дегенмен, сотталушы да, жәбірленуші тарап та оқиға орнында кәмелет жасына толмаған 2 жасөспірімнің болғанын және олардың да жазалануын талап етіп отыр.

Шымкентте масаң күйде болған ер адамды ұрып өлтірген жігітке қатысты сот үкімі шықты. 2003 жылы туған сотталушы азамат ҚР ҚК 106-бабы 3-бөлігі бойынша кінәлі деп танылды. 

"ҚК 106-бабының 3-бөлігінде көзделген қылмыстық құқықбұзушылық жасағаны үшін кінәлі деп танылсын, оған 8 жыл мерзімде бас бостандығынан айыру жазасы тағайындалсын. Тәуекелге жазасын қылмыстық атқару жүйесінің орташа қауіпсіздік мекемелерінде өтеу белгіленсін",- деді Шымкент қаласы қылмыстық істер жөніндегі ауданаралық сотының судьясы Айнель Орақбаева.

Шулы оқиға биыл 9 қыркүйекте болған. Мас күйдегі Толқын Абдрахмановтың жас жігіттермен ерегесіп, арты төбелеске ұласқаны бейнежазбаларға түсіп қалған. Марқұмның жары, сапардан келген күйеуі жігіттерден тек су сұрағанын айтады.