Алматыда тағы да жер сілкінісі тіркелді

ҚР Төтенше жағдайлар министрлігі "Сейсмологиялық бақылаулар және зерттеулер ұлттық ғылыми орталығы" кезекті жер сілкінісін тіркеді, деп хабарлайды Bugin.kz порталы.

 Жер сілкінісінің кіндігі Алматыдан оңтүстікке қарай 263 шақырым жерде орналасқан.

Жер сілкінісі 2024 жылдың 23 қаңтарында Алматы уақытымен 13 сағат, 19 мин. 16 сек. тіркелді.

"Жер сілкінісінің ошағы Алматыдан оңтүстікке қарай 263 шақырым жерде, Қырғызстан мен Қытай шекарасында орналасқан... Байқау қабілеті туралы ақпарат (MSK-64 шкаласы бойынша): Қазақстан аумағында сезіну жоқ", делінген хабарламада.