“+23°C-қа дейін жылы”. Елімізде ауа райы қандай болады?

25 наурыз күні ел аумағының басым бөлігінде тұман мен екпінді жел болып, тұрақсыз күн райы сақталады, деп хабарлайды Bugin.kz тілшісі.

"Атмосфералық фронтальды бөліктердің өтуіне байланысты ҚР-дың басым бөлігінде ауа райының тұрақсыз сипаты сақталады, солтүстік өңірде жаңбыр мен қар түрінде жауын-шашын, көктайғақ болады, сондай-ақ жаяу бұрқасын жүреді деп күтіледі. Еліміздің тек батысында, оңтүстік-шығысында жауын-шашынсыз ауа райы болады. Қазақстанның барлық өңіріне тұман көрініс тауып, желдің екпіні 15-20 м/с дейін күшеюі ықтимал", - делінген Қазгидромет" РМК хабарламасында.

Астанада бүгін аспан бұлтты, күн райы жауын-шашынсыз, желдің екпіні - 3-8 м/с. Күндіз небәрі +7°C-қа дейін жылы.

Алматыда аспан бұлтты, күн райы жауын-шашынсыз. Желдің екпіні - 2-7 м/с. Ауа температурасы күндіз +18+ 20°C-қа дейін жылуы ықтимал.

Ал Шымкентте 25 наурыз күні аспан бұлтты, күн райы жауын-шашынсыз. Желдің екпіні - 8-13 м/с, күндіз: +23°C.