Bugin
Фото: видеодан скриншот
Бүгінгі сот отырысында Бишімбаев сөзін кешірім сұраудан бастады. Бұл туралы Bugin.kz тілшісі хабарлайды.
Экс-министр Салтанаттың барша жақынынан кешірім сұрау адами борышы екенін айтып сөз алды. Ол біріншіден кешірім сұрағысы келсе, екіншіден кінәлі емес екенін айтты:
“Мен өзімнің кінәлі екенімді мойындамаймын. Жұбайым Салтанатты саналы түрде қатігездікпен өлтірді дегенге келіспеймін”,-деп айтты.
Осы сәтте сот залында отырған Салтанаттың анасы:
“Тоқтай тұр, аса қатігездікпен сен ұрдың ғой. Қалай сен осылай айтасың?”-деп айқайлап жіберді.
Сот төрешісі тыныштық сақтауды немесе басқа жерге кетуді сұрады. Салтанаттың анасы осы сәтте тынышталды.