4,5 метр: Атырау облысында 2 бозбала суға батып кетті

Атырау облысында кәмелетке толмаған екі бала суға батып кетті, - деп хабарлайды Bugin.kz порталы облыстық ТЖД-ға сілтеме жасап.

Көкарна ауылында 2010 және 2011 жылы туған екі жасөспірім қаза болды. Екеуі де жабдықталмаған жерде суға түскен. Қайғылы оқиға 20 шілдеде болған. Құтқарушылар 19:30-да 4,5 метр тереңдіктен 14 жастағы жасөспірімнің денесін су бетіне шығарды. Екінші баланың денесін іздестіру жұмыстары әлі жалғасуда.

ТЖД азаматтардың қауіпсіздігі үшін биыл Атырау облысында суға түсу маусымы ресми түрде ашылмағанын мәлімдеді.