Қаза болғандар бар: Жетісу облысында трактор жеңіл көлікпен соқтығысты

Жетісу облысында Жарлыөзек ауылында МТЗ-80 тракторы жеңіл көлікпен соқтығысты, деп хабарлайды Bugin.kz порталы. 

Өңірлік полиция департаментінің мәліметінше, жол апаты Көксу ауданы Жарлыөзек ауылында болған. Жол апаты бойынша сотқа дейінгі тергеп-тексеруді бастады. 

Мәліметтерге сүйенсек, МТЗ-80 тракторының жүргізушісі Volkswagen Passat көлігімен соқтығысып, содан кейін инерция бойынша Toyota Carina көлігімен тағы бір соқтығысқан.  Апат салдарынан екі жолаушы оқиға орнында қаза тапты, алты адам жарақат алып, ауруханаға жеткізілді.