Бектенов шахтадағы апат салдарынан қаза тапқандардың отбасына көңіл айтты

Премьер-министр Олжас Бектенов қаза тапқандардың туған-туыстары мен жақындарына көңіл айтты, деп хабарлайды Bugin.kz порталы. 

Бектенов марқұмдардың отбасына барлық қажетті көмек көрсетілетінін атап өтті. 

“Үкімет атынан шахтадағы апат салдарынан қаза тапқан кеншілердің туған-туыстары мен жақындарына көңіл айтамын. Марқұмдардың отбасына барлық қажетті көмек көрсетіледі.Оқиға орнында тиісті қызметтер жұмыс істеп жатыр”, — деді Олжас Бектенов.

Мемлекет басшысының тапсырмасымен апаттың себептерін тексеру және зардаптарын жою бойынша үкіметтік комиссия құрылды. Жүргізіліп жатқан жұмыстар туралы премьер-министрдің орынбасарының есебі тыңдалды. 

Еске салайық, 17 ақпан күні Ұлытау облысында қайғылы жағдай болды. “Жомарт” кенішінде болған төтенше жағдай салдарынан жеті қызметкер үйіндінің астында қалып, мерт болды.