Министр үй бағасының неге қымбаттап жатқанын түсіндірді

Үкімет отырысынан кейін өткен брифингте Өнеркәсіп және құрылыс министрі Ерсайын Нағаспаев тұрғын үй бағасына қатысты пікір білдірді, деп хабарлайды Bugin.kz порталы. 

Журналистер министрден: “Қазақстанда пәтер бағасы неге қымбаттап жатыр? Бағаның арзандауы мүмкін бе?” деп сұрады.

Министр бұл сауалға бұрын да бірнеше рет жауап бергенін атап өтті.

“Бұл – нарықтық механизм. Сұраныс бар жерде ұсыныс болады. Үй бағасын министрлік бақылап отырмайды. Бағаның қалай қалыптасатынына біз жауап бермейміз”, – деді Нағаспаев.

Айта кетейік, соңғы жылдары тұрғын үй нарығында бағаның тұрақты өсімі байқалып отыр. Сарапшылар мұны құрылыс материалдарының қымбаттауымен, урбанизациямен және халықтың баспанаға деген сұранысының артуымен байланыстырады.