ДАМУ

Сарыағаштағы “Балдәурен” лагерінде жаңа модульді корпустар пайдалануға берілді

Авторларды қолдау орталығы

[email protected]

Фото: Түркістан облысының Білім Басқармасы

Сарыағаш ауданындағы «Балдәурен» жазғы сауықтыру лагерінде жаңа модульді корпустар іске қосылып, балалар үшін жайлы да қауіпсіз орта қалыптастыру жолында облыс әкімінің қолдауымен үлкен қадам жасалды, деп хабарлайды Bugin.kz порталы.

Биыл жазғы маусым балалар үшін ерекше қуанышпен басталды. 487 сарыағаштық оқушы лагерьде демалысын бастап үлгерді. Ең басты жаңалық – лагерь аумағында заман талабына сай модульді корпустардың тұрғызылуы.

Фото: Түркістан облысының Білім Басқармасы

Фото: Түркістан облысының Білім Басқармасы

Жалпы саны 10 модульді үйшік толықтай аяқталып, балалар игілігіне берілді. Әрқайсысы 20 балаға лайықталған бұл корпустар жайлы жатын орынмен, жаңа жиһаздармен, жеке шкафтармен, салқындатқыш және арнайы тазартылған ауызсу құрылғысымен қамтылған. Бұл – балалардың денсаулығы мен қауіпсіздігін басты назарда ұстайтын, заманауи инфрақұрылымға негізделген шешім.

Мұндай форматтағы модульді құрылыстардың артықшылығы – тез тұрғызылып, ыңғайлы әрі тиімді пайдалануға берілуінде. Нәтижесінде, бұған дейін 300 балаға ғана қызмет көрсететін лагерь бүгінде бір маусымда 2000-нан астам баланы қабылдай алады.

Сонымен қатар балалардың белсенді және қызықты демалысы үшін варкаут алаңы мен бассейн салынды. Лагерь бағдарламасында ойын-сауық, спорттық жарыстар мен шығармашылық үйірмелер қарастырылған.

Фото: Түркістан облысының Білім Басқармасы

Фото: Түркістан облысының Білім Басқармасы

Жазғы маусымда 7 ауысым бойынша 3500-ге жуық бала лагерьде тынығып, жарқын естеліктерге толы демалыс өткізеді деп жоспарлануда.

Фото: Түркістан облысының Білім Басқармасы

Фото: Түркістан облысының Білім Басқармасы

Балалардың алаңсыз демалысы – ел болашағына жасалған инвестиция. Ал модульді корпустар – сол игілікті істің нақты көрінісі.