Махамбет Өтемісов атындағы Батыс Қазақстан университетінің ректоры ұсталды

Жоғары оқу орны жетекшісінің ұсталуына қатысты ақпарат әлеуметтік желілерде бұрын тараған. БҚО қоғамдық кеңесінің мүшесі, заңгер Б. Ахметжанның сөзінше, қазіргі уақытта тиісті тергеу шаралары жүргізілуде. 

Оның айтуынша, Нұрлан Серғалиевке «лауазымдық өкілеттігін асыра пайдаланды» деген айып тағылып отыр. Сонымен қатар құзырлы органдар ректордың жұмыс кабинеті мен тұрғылықты мекенжайында тінту амалдарын жүргізгені белгілі болды. 

Жедел шараларды ҰҚК департаментінің Сыбайлас жемқорлыққа қарсы қызмет мамандары жүзеге асырғаны белгілі болды.

Айта кетейік, Нұрлан Серғалиев тек білім саласын басқарып қана қоймай, БҚО облыстық мәслихатының депутаты ретінде қоғамдық істерге де белсене араласқан.