Қазақстанда 2026 жылы ең көп грант бөлінген мамандықтар тізімі анықталды

Ғылым және жоғары білім министрлігінің мәліметіне сүйенсек, 2026-2027 оқу жылында да еңбек нарығы бойынша сұранысқа ие мамандарды даярлауға басымдық беріледі.

Қазақстанда бакалавриат бағдарламасына шамамен 75 мың грант берілді. Конкурсқа қатысу үшін 127 мыңға жуық талапкер өтініш бергені анықталды.

Гранттардың 60%-ы инженерлік-техникалық бағыттарға бөлінді. Педагогикалық мамандықтарға 20%-ы және қалған білім беру бағыттарына 20%-ы берілді.

Талапкерлер таңдаған ең танымал мамандықтарға аударма ісі, халықаралық қатынастар, құқық, психология, қаржы және педагогикалық бағыттар кірді.

Ғылым және жоғары білім министрі Саясат Нұрбектің айтуынша, ең жоғары конкурс аудармашыларды, дипломаттарды, заңгерлерді, психологтарды және педагогтарды даярлайтын білім беру бағдарламаларына түскен.

Айта кетейік, 2026 жылдың білім гранты нәтижесі 7 тамыз күні сағат 15:00-де жарияланатын болады.