«Ауыл» партиясы сайлау барысына баға берді

«Ауыл» партиясының төрағасы Қайрат Айтуғанов сайлау барысына қатысты пікір білдірді.

Ол Президенттің жүйелі саясаты мен ауқымды реформалары ел дамуының жаңа кезеңіне жол ашқанын атап өтті. Оның айтуынша, бұл үдерісте азаматтардың қоғамдық-саяси өмірге қатысуы мен қоғаммен ашық диалогтың маңызы артып келеді.

Партия өкілдері сайлау күні дауыс беру барысын бақылап, өңірлермен тұрақты байланыста болған. Қайрат Айтуғанов сайлау тыныш, ашық әрі ұйымдасқан түрде өткенін, заң талаптарының сақталғанын айтты.

Партия төрағасы «Ауыл» партиясына қолдау білдірген азаматтарға алғыс айтып, сайлау нәтижесін халық сенімі әрі үлкен жауапкершілік деп бағалады.