Күнде 30 минутқа созылған қуатты жарқыл байқалды

Күннің 4520 нөмірлі дақтар тобында M1.0 класындағы жарқыл байқалды. Астрономиялық бақылау деректеріне сәйкес, құбылыс шамамен 30 минутқа созылған.

Күн жарқылы – Күн атмосферасында қысқа уақыт ішінде көп мөлшерде энергия бөлінуімен байланысты құбылыс. Оның қуаты бірнеше санатқа бөлінеді. Ғалымдар жарқылдарды A, B, C, M және X кластары бойынша жіктейді. Бұл ретте A класы ең әлсіз, ал X санаты ең жоғары деңгей болып саналады.

M класына жататын жарқылдар орташа деңгейден жоғары белсенділікті көрсетеді. Қуатты жарқыл кезінде Күннен зарядталған бөлшектер мен плазма таралуы мүмкін. Егер олар Жерге бағытталып, планетамыздың магнитосферасына жетсе, магниттік дауылдардың пайда болуына әсер етуі ықтимал.

Мұндай құбылыстар ғарыштық аппараттардың жұмысына, радиобайланысқа және навигациялық жүйелерге әсер етуі мүмкін. Сондықтан мамандар Күн белсенділігін тұрақты бақылап отырады.