Қазақстанда мемлекеттік тулар төмен түсірілді

Қазақстанда 25 қыркүйектің жалпыұлттық аза тұту күні болып жариялануына байланысты мемлекеттік тулар барлық мемлекеттік органдар мен жергілікті өзін-өзі басқару органдарының ғимараттарында төмен түсірілді.

Сонымен қатар елімізде ойын-сауық іс-шараларын өткізуге уақытша тоқтатылды. Ойын-сауық сипатындағы телебағдарламалар да эфирден алынды.

Еске салайық, 24 қыркүйекте Маңғыстау облысында Каспий теңізіндегі әскери оқу-жаттығу кезінде әскери қызметшілер қаза тапқан еді. Осы қайғылы оқиғаға байланысты Мемлекет басшысының өкімімен 25 қыркүйек Қазақстанда жалпыұлттық аза тұту күні болып жарияланды.