СПОРТ
Қазақстан ерлер құрамасы Жапонияда өтіп жатқан Азия ойындарында стенд атудан «трап» бағдарламасы бойынша командалық жарыста қола медаль жеңіп алды, деп хабарлайды Bugin.kz.
Фото: Ашық дереккөз
Азия ойындарындағы стенд ату бәсекесінде Қазақстан құрамасы финалдық кезеңге жолдама алды. Командалық сайыста ел намысын Даниил Почивалов, Алишер Айсалбаев және Марк Почивалов қорғады.
Қазақстандық спортшылар жарыс қорытындысында 348 ұпай жинап, үшінші орынға тұрақтады. Осы нәтижемен құрама Азия ойындарының қола жүлдегері атанды.
Алтын медаль Кувейт құрамасына бұйырды. Кувейт спортшылары 355 ұпай жинап, жарыста үздік нәтиже көрсетті. Катар құрамасы 349 ұпаймен екінші орын алып, күміс жүлдені иеленді.
Қазақстан мен Катар құрамаларының нәтижесі арасында небәрі бір ұпай айырмашылық болды. Ал Кувейт командасы қарсыластарынан алты ұпай алға шықты.
Осылайша Даниил Почивалов, Алишер Айсалбаев және Марк Почивалов Қазақстан құрамасының Азиададағы жүлде қоржынына тағы бір медаль қосты.
Bugin.kz
Қосымшаны жүктеп алыңыз
Мемлекеттік сатып алу бойынша
8 705 324 11 61
