Қазақстанда пойыз билеттері 10%-ға арзандады

«Жолаушылар тасымалы» АҚ мәліметінше, жеңілдік ұлттық тасымалдаушының пойыздарындағы барлық вагон түрлеріне қолданылады. Сонымен қатар қала маңындағы пойыздардың жолаушылары да төмендетілген тарифпен жүре алады.

Жеңілдік 1 қазаннан бастап күшіне енді және жыл соңына дейін жалғасады. Осы кезеңде жолаушылар қалааралық бағыттар бойынша сапарларын алдын ала жоспарлап, билеттерді жеңілдікпен сатып ала алады.

Билеттерді теміржол вокзалдарындағы кассалардан және bilet.railways.kz ресми сайтынан рәсімдеуге болады.

Компания жолаушыларға сапар алдында билет құнын және жеңілдіктің нақты қолданылу шарттарын тексеруді ұсынады.