Рита Бакишева виртуалды таеквондодан қола жүлде алды

Жарыстың 1/8 финалында Рита Бакишева Иордания өкілі Мұхаммад Аль-Адарбиді жеңді. Ширек финалда қазақстандық спортшы Үндістаннан келген Кашиш Маликпен кездесіп, қарсыласынан басым түсті. Осы нәтижеден кейін Бакишева жартылай финалға жолдама алды.

Финалға шығу үшін өткен кездесуде ол Филиппин спортшысы Джус Габриэль Дерико Япеге қарсы өнер көрсетті. Бұл жекпе-жекте қазақстандық спортшы 0:2 есебімен жеңіліп, финалға өте алмады.

Осы нәтижемен Рита Бакишева Азия ойындарының қола жүлдегері атанды. Қазақстандық спортшының бұл нәтижесі виртуалды таеквондодан ел қоржынына түскен алғашқы жүлделердің бірі болды.

Виртуалды таеквондо Азия ойындарының бағдарламасына биыл алғаш рет енгізілді. Жарыс цифрлық технологиялар арқылы спортшының қимыл-қозғалысын тіркеп, оны виртуалды жекпе-жек форматына айналдыруға негізделген.