Түркияда ара ұяларынан 91 келіден астам есірткі табылды

Түркияның оңтүстік-шығысындағы Хаккари өңірінде есірткі тасымалына қарсы операция жүргізілді. Бұл туралы Түркия Ішкі істер министрлігінің баспасөз қызметі хабарлады.

Полиция қызметкерлері прокуратураның жергілікті бөлімшесімен бірлесіп, күдік тудырған жүк көлігін тоқтатып, тексерген.

Көлікте тірі аралары бар жәшіктер болған. Тінту барысында сол ара ұяларының арасынан жалпы салмағы 91,1 келі есірткі заты табылған.

Қазір оқиға бойынша тергеу жалғасып жатыр.