Оман Сұлтаны Қазақстанға алғаш рет мемлекеттік сапармен келеді

Қазақстанға мемлекеттік сапармен келген Оман Сұлтанын бүгін Тәуелсіздік сарайында Президент Қасым-Жомарт Тоқаев қарсы алады. Қазір мұнда ресми қарсы алу рәсімі алдындағы соңғы дайындық жұмыстары жүргізіліп жатыр.

Сапар аясында Қазақстан мен Оман басшылары жоғары деңгейде келіссөз өткізеді. Кездесуде екіжақты ынтымақтастықты дамыту және мемлекеттер арасындағы байланыстарды нығайту мәселелері талқыланады.

Мемлекеттік сапар екі ел арасындағы саяси, экономикалық және басқа да салалардағы өзара іс-қимылды кеңейтуге бағытталған.