Арыстағы жарылыс: Статистика сөйлейді

2 адам қайтыс болып, 19 үй толығымен өртенген

Авторларды қолдау орталығы

[email protected]

24 маусым, 2019 жылы Түркістан облысы Арыс қаласындағы әскери қоймада қару-жарақ пен оқ-дәрі жарылды.
09:20 таңғы сағатта қоймадағы жарылыс туралы ақпар өртке қарсы қызмет пультіне келіп түскен. Жарылыс соңы алапат өртке ұласқан.
165 адам медициналық көмекке жүгінген. 89 адам ауруханаға жатқызылған. Оның ішінде 76 адамға медициналық көмек көрсетілгеннен кейін, олар амбулаториялық емделуге жіберілген. Ауруханаға жатқызылғандардың ішінде 18 бала, 13 жүкті әйел, сондай-ақ 5 жаңа босанған әйел бар.
41 мыңдай адам қаладан шығып кеткен: 39 мыңы өз бетімен шықса, 2815-і эвакуацияланды.
2 адам қайтыс болды.
19 үй толығымен өртенді.
Ауылдар мен аудан орталықтарда 22 эвакуациялық пункт ашылды.
7600 үй терезеден айырылып, тұрғын үйлердің 80-85% зақымданған.
3 жергілікті тұрғын қарақшылық фактісімен ұсталды.
8 (7252) 44-94-72. Тәулік бойы Шымкент қаласы ТЖ департаментінде "Қауырт желісі" жұмыс істеді.
363 адам және 40 бірлік техника төтенше жағдай салдарын жоюға жұмылдырылды.
Қоғамдық тәртіпті сақтап, эвакуацияланған азаматтардың мүлкін күзету үшін Арыс қаласына полиция қызметкерлері тартылды. Жалпы, жеке құрамның 463 қызметкері мен Ішкі істер министрлігі бөліністерінің 53 техникасы Арыс қаласынан көшірілгендерге көмек көрсетуде.
Мұның ішінде 193 қызметкер және 23 техника азаматтық қорғау органдарына тиесілі. Сондай-ақ, 270 қызметкер мен 30 техника полиция бөліністерінен тартылды.
Қаладағы қоғамдық тәртіпті қадағалау үшін Ұлттық ұланның әскери бөлімінен 500 жауынгер аттанды.

Айдар

Айдар

Беттер

ПРОФИЛЬ

Арыстағы жарылыс: Статистика сөйлейді