Белоруссия мен Ресей бір мемлекет бола ма?

Ресей мен Беларусь экономиканы ішінара біріктіруге келісті және іс жүзінде әңгіме конфедеративті мемлекет құру туралы болып отыр, деп жазды 16 қыркүйекте "Коммерсант" газеті.

Минск мұны растамады. 

- Тәуелсіздік - бұл қасиетті және ешқандай бірлескен басқару органдары құрылмайды, себебі елдер бұған дайын емес, - деді Беларусь президентінің баспасөз хатшысы Наталья Эйсмонт.

"Комменсант" басылымының мәліметі бойынша, екі ел арасындағы экономикалық интеграциясымен байланысты құжатта келесі ережелер көрсетілген:

- 2021 жылдың 1 сәуірінен бастап бірыңғай Салық кодексін қабылдау;

- электр энергиясы, газ, мұнай және мұнай өнімдері нарықтарының бірыңғай реттеуішін құру;

- кеден саясаты саласындағы интеграция;

- банктік және қаржылық қадағалаудың бірыңғай қағидаттары;

- "арнайы экономикалық шаралардың" бірыңғай қағидаттары туралы уағдаластық);

- 2020 жылдың 1 маусымынан бастап роумингті өзара жою.

- Интеграция бағдарламасының жобасы оған президенттер қол қойған кезде ғана бағдарламаға айналады, - деді "Наша Нива" басылымына Беларусь президентінің баспасөз хатшысы Наталья Эйсмонт.

- Аталған мақалада қолданылатын барлық терминдер - конфедерация, федерация және т.б. - біз журналистік мөртабан ретінде баға беруді ұсынар едік, - деді ол.

Кез келген үдерістің негізінде Беларусь пен Ресейдің тәуелсіздігі туралы тезис жатыр, деп мәлімдеді баспасөз хатшысы.

- Бұл қасиетті! Қызыл жалаулар - бұл әр елдің егемендігі мен тәуелсіздігі. Интеграциялық процестерде біз экономикалық тұрғыдан қажетті қадамдарға барамыз. Ешқандай бірлескен орган құрылмайды - елдер бұған дайын емес, - деді Эйсмонт.

"Коммерсант" басылымына Кремль де түсініктеме берілді. 

- Әзірге [интеграция] жоспары анық емес. Ал мақалада жазылған ойлар болжам ғана, - деп мәлімдеді Ресей президентінің баспасөз хатшысы Дмитрий Песков.