Бішімбаев Президенттен кешірім сұрады

Ішкі істер министрлігіне қарасты Қылмыстық атқару комитеті Қуандық Бішімбаевтың неге босап шыққанын түсіндірді.

Бішімбаевтың босап шығу туралы өтінішхатын Шымкенттегі Абай аудандық соты 25 қыркүйек күні қараған.

- Сот Бішімбаевтың өтінішхатын қанағаттандырып, 11 қазаннан бастап заңды күшіне енді. Бішімбаев мемлекет басшысынан кешірім сұрап, рақымшылық жасауын өтінген еді. Содан 2019 жылдың ақпан айында соттың шешімімен жаза мерзімі қысқартылды, - деп хабарлады Комитет.

Одан бөлек, Бішімбаев мемлекетке келген шығынды толық өтеп берген көрінеді.

- Бишімбаев сот міндеттеген борышты толық өтеді әрі істеген ісін мойындап, өкініш танытты. Жазасын өтеу кезінде өзін жақсы жағынан таныта алды, - деді тағы да комитет.

Tengrinews.kz