Ресей сирия содырлары отырған түрмелердің картасын жариялап жіберді

Ресей Федерациясының Қорғаныс министрлігі Сириядағы Хасек провинциясындағы түрмелердің орналасу картасын жариялады. Онда «Ислам мемлекеті» (Қазақстанда тыйым салынған) тобының 14,6 мыңнан астам содыры бар.

Ал бұған дейін Ресей билігі Сирияның солтүстік-шығысында лаңкестерді ұстауға арналған жеті орын мен сегіз лагерьдің бар екенін хабарлаған болатын. Мұнда лаңкестердің әйелдері мен балалар жатыр. 

Әскерилердің мәліметінше, содырлардың көпшілігі (шамамен 9 мың) Шадади түрмесінде, 1,6 мыңға жуығы Эль Холда және 1,5 мыңдайы Алляда. Сонымен қатар, «Хасек» және «Малика» орталық түрмелерінде тиісінше 1,1 мың және 650 адам тұрады.