БАҚ: АҚШ Сирияда әскери база салып жатыр

АҚШ-тың Қарулы күштері Сириядағы мұнай кен орындары ауданында екі әскери базаның құрылысына кірісті. Бұл туралы сейсенбі күні Anadolu агенттігі дереккөздерге сілтеме жасап хабарлады.

Оның мәліметінше, құрылыс жұмыстары елдің шығысындағы Дейр-эз-Зор провинциясында жүргізілуде, агенттіктің мәліметтері бойынша, осы өңірге АҚШ 250-ден 300 адамға дейін қосымша әскери контингенттін, сондай-ақ әскери техниканың бірнеше бірлігін, қару-жарақ пен оқ-дәрілерді жіберді.

Al Arabiya телеарнасы хабарлағандай, АҚШ-тың халықаралық коалициясы құрылыс ауданын одан сайын күшейтпек.